ឯកឧត្តម នាយឧត្តមសេនីយ៍ វង្ស ពិសេន ដឹកនាំគណៈប្រតិភូចូលរួមការតាំងពិព័រណ៍ការពារជាតិលំហសមុទ្រអន្តរជាតិដូហា ឆ្នាំ២០២៤ នៅប្រទេសកាតា

(ភ្នំពេញ)៖ នៅរសៀលថ្ងៃទី៣ ខែមីនា ឆ្នាំ២០២៤ ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ បានដឹកនាំគណៈប្រតិភូចូលរួមការតាំងពិព័រណ៍ការពារជាតិលំហសមុទ្រអន្តរជាតិដូហា ឆ្នាំ២០២៤ (DIMDEX2024) ដែលធ្វើឡើងនៅប្រទេសកាតា។

នេះគឺជាទស្សនកិច្ចលើកទីមួយរបស់ ឯកឧត្តម អគ្គមេបញ្ជាការ នៃកងយោធពលខេមរភូមិន្ទ នៅក្នុងការចូលរួមតាំងពិព័រណ៍ការពារជាតិលំហសមុទ្រអន្តរជាតិដូហា ឆ្នាំ២០២៤ នៅប្រទេសកាតា ដើម្បីបង្ហាញពីទំនាក់ទំនង និងកិច្ចសហប្រតិបត្តិការល្អរវាងកងទ័ពនៃប្រទេសទាំងពីរផងដែរ៕